Лаб бўёқлари қандай ихтиро қилинган?

  • 17 ноябрь 2019, 22:57
  • 781
  • Дунё
  • Лаб бўёқлари қандай ихтиро қилинган?
    Аёлларимизнинг гўзаллигига ҳусн қўшувчи макияж энг асосий воситаларидан бири бу, шубҳасиз лаб бўёқларидир. Хўш, лаб бўёқлари дастлаб қандай пайдо бўлган?
    Аёл ва қизларимиз лабига сурувчи лаб бўёғи таркибида ранг ва ҳимояловчи пигментлар, ёғлар, мумлар ва юмшатувчи моддалар мавжуддир. Помаданинг кўпгина турлари мавжуд бўлиб, улар турли мақсадларда ишлаб чиқарилади. У кичикроқ қувурларда қадоқланади ва одатда унинг диаметри 10 мм ва узунлиги 50 ммга тенг.

    Помаданинг тарихи 5000 йил олдинги шумерларга бориб тақалади. Ўша даврларда шумерлик эркак ва аёллар қимматбаҳо тошларни майдалаб, ундан юзлари ва лабларини бўяшда фойдаланишган. Қадимги Миср маликаси Клеопатра лабларини бўяш учун кана ҳашаротини майдалаб, ундан фойдаланган. Қадимги Индус водийсида яшаган аёллар лаб бўёғи сифатида қиррали учлари бўлган тўртбурчак охра минерал тузининг бўлакчаларидан фойдаланган.

    Қадимги мисрликларда лаб бўёғи суриш инсоннинг жинсини эмас, балки унинг ижтимоий мавқеини белгилаб берган. Улар қизил бўёқни фукус-алгин, 0,01%ли йод ва баъзи бром маннитларидан тайёрлашган. Бироқ бу турли хил касалликларни келтириб чиқарган. Ёрқин эффектли лаб бўёқларини дастлаб балиқ танасидаги тангачалардан фойдаланиб ишлашган.

    Хитойликлар нозик терисини ҳимоя қилиш учун минг йил олдин асал мумидан ясалган биринчи лаб бўёқларининг айримларини ясашга муваффақ бўлишган. Танг сулоласи даврида (миль. 618-907) уларга хушбўй мойлар қўшилган бўлиб, улар лабларга жалб қилувчи омилга айланишган.

    Австралияда абориген қизлар балоғатга етиш маросимлари учун лабларини қизил рангга бўяшарди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Лаб бўёқлари қандай ихтиро қилинган?