Картошка углевод алмашинувига салбий таъсир кўрсатиши ва шу томонлама соғлиққа зарарл таъсир этиши мумкин. Ушбу маҳсулотни ҳар куни истеъмол қилиш билан хавфли касалликлар ривожланишининг жиддий хавфи бор, дейди диетолог Михаил Гинзбург.
Мутахассиснинг фикрича, картошка углеводларни ўз ичига олган крахмалли маҳсулотлар гуруҳига киради. Уларнинг парчаланиши қисқа вақт ичида содир бўлади ва организмга салбий таъсир қилади, чунки у метаболик жараёнларнинг боришини ёмонлаштиради.
Картошкани тез-тез истеъмол қиладиган одамлар семириб кетишади ва диабет, атеросклероз ва гипертензия билан оғрийдилар, дейди диетолог.
Шифокор, хавфларни камайтириш учун картошкани кундалик рациондан чиқариб ташлаш кераклигини айтди. Бундан ташқари, уни совутилган ҳолда истеъмол қилиш яхшидир, кейин крахмал секинроқ парчаланади. Илдизларни териси билан қайнатиш керак, бу уларнинг ҳаддан ташқари пишишига йўл қўймайди.
Углеводларнинг парчаланиши ва сўрилишини янада секинлаштириш учун эса картошкали таомларга кўкатлар ва бошқа сабзавотлар қўшиш мумкин.
“Замин” янгиликларини “Telegram”да кузатиб боринг
