Татарлар – туркий халқларнинг энг қадимий бўғинидан. Улар нуфус жиҳатдан камчиликни ташкил қилса-да, ақли ўткир, идроки теран ва иродаси кучли миллат сифатида таснифланади. Бу жиҳат татар халқ донишмандлигининг маҳсули бўлмиш мақолларда ҳам ўз аксини топган.
Бахтни йўлдан излама, билимдан изла.
***
Дўстинг ўзингдан яхшироқ бўлсин.
***
Тил айтганни қулоқ эшитар.
***
Дарахтни япроқ безар, кишини ҳунар.
***
Олмос лойда ҳам — олмос.
***
Асалари бир чақмай, асал ололмайсан.
***
Беғам йигит – эшакка дўст.
***
Бойга ишонма, сувга суянма.
***
Қумга сув сепсанг билинмайди, қизингга берганинг кўринмайди.
***
Айбдорга бир таёқ, чақимчига беш таёқ.
***
Ақчанг бўлмаса ҳам виждонинг бўлсин.
***
Қимматбаҳо тош катта бўлмас.
***
Дўстни хафа қилганинг – душманни суюнтирганинг.
***
Хотининг чиройли бўлса, дўстларинг сўқир бўлсин.
***
Хотиннинг тили — лаққа чўғ.
***
Куёв келди – хон келди.
***
Мулла қизида ҳам қусур бор.
***
Тоғнинг кўрки – тош, қизнинг кўрки — соч.
***
Ҳар қопқонга ўлжа илинмас.
***
Қирчанғини минг мақтама, от бўлмайди.
***
Ханжарнинг юзи иккита, йигитники — битта.
***
Ёлғоннинг оёғи калта.
***
Чумолига шудринг – тўфон.
***
Кечувни билмай, сувга кирма.
***
Якка дарахт ўрмон бўлмас.
***
Қирғоқдагига денгиз чиройли кўринади, денгиздагига эса қирғоқ.
***
Дарё яқинида қудуқ кавламайдилар.
***
Отанг душманини дўст деб билма.
***
Темирчининг йўлдоши – кўмирчи.
***
Эл тик турса, сен ҳам тур.
***
Отинг оғилда бўлгани – Худонинг инояти,
Хотининг кўчада юргани – Худонинг жазоси.
ХУРШИДА тайёрлади.
“Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
2026 йилда бўлажак мундиалнинг фаворитлари рейтинги тақдим этилди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
22 ноябрь куни Cobalt автомобилига шартнома очилиши эълон қилинди
Шавкат Мирзиёев Россия бош прокурори билан учрашув ўтказди
