Ўзбекистон Республикаси Президенти Шавкат Мирзиёев жойларда амалга оширилаётган бунёдкорлик ишлари, инвестиция лойиҳалари ижросининг бориши билан яқиндан танишиш, халқ билан мулоқот қилиш мақсадида Андижон вилоятига ташриф буюрган эди.
Президентга вилоятда барпо этилаётган дори воситалари ва тиббиёт буюмлари ишлаб чиқаришга ихтисослашган лойиҳалар тўғрисида батафсил ахборот берилганди.
“Ўзфармсаноат” акциядорлик концерни Андижон вилоятида 2017-2018 йилларда маҳаллий фармацевтика саноатини янада ривожлантириш ва импорт ўрнини босувчи дори воситалари ва бир марталик тиббиёт буюмларини ишлаб чиқаришни кенгайтириш мақсадида махсус дастур ишлаб чиққан. Ушбу йўналишга умумий қиймати 24,2 млн. АҚШ долларига тенг 23 та инвестицион лойиҳаларни амалга ошириш режалаштирилган. Дастурнинг амалга оширилиши натижасида 952 та янги иш ўринлари яратилиши белгиланган.
Шундан, жорий йилда 9,1 млн. АҚШ долларига тенг 18 та, 2018 йилда эса 15,1 млн. АҚШ долларига тенг 5 та фармацевтика корхоналари ишга туширилиши ва мавжуд қувватларни модернизация ва реконструкция қилиш ҳисобига кенгайтириш кўзда тутилган.
Маълумот ўрнида, “Трастбанк” томонидан Андижон туманида “Zamin Bio Health” жамиятида йиллик қуввати 10 миллион флакон инсулин ишлаб чиқаришга ихтисослашган лойиҳа амалга оширилса, 100 нафар мутахассис иш билан таъминланади. Лойиҳа ҳозирда Марказий Осиёда ягона ҳисобланиб, мамлакат аҳолисининг дори воситаларига бўлган эҳтиёжини тўлиқ қоплайди ҳамда экспорт қилишга қаратилган. Шу муносабат билан, тегишли вазирлик ва идоралар билан “Ўзфармсаноат” АКга корхона томонидан ишлаб чиқариладиган инсулин воситасини кафолатли буюртма билан таъминлаш ва ишлаб чиқариладиган маҳсулотни экспортга йўналтириш бўйича чора-тадбирлар ишлаб чиқилмоқда. Лойиҳа йил охирига бориб ишга туширилиши мумкин.
Шунингдек, Андижон шаҳрида (қиймати 11,8 млн. АҚШ долларида 11 та лойиҳа), Асака туманида (1 та лойиҳа, қиймати 0,2 млн. АҚШ долларида), Бўз туманида (1 та лойиҳа, қиймати 0,9 млн. АҚШ долларида), Жалақудуқ туманида (2 та лойиҳа, қиймати 0,2 млн. АҚШ долларида), Избоскан туманида (2 та лойиҳа, қиймати 1,4 млн. АҚШ долларида), Олтинкўл туманида (2 та лойиҳа, қиймати 7,6 млн. АҚШ доллари)да амалга оширилади.
Келажакда ушбу лойиҳаларнинг ишга туширилиши натижасида доимий эҳтиёжга айланган инфузион эритмалар, антибиотиклар, ампула, таблетка, капсула шаклидаги дори воситалари аҳолига етказиб берилади.
Шунингдек, бир марталик шприцлар, системалар, шиша идишлар ва доривор ўсимликлар таркибидан экстракция усули билан актив доривор субстанциялар ишлаб чиқарилиши ўзлаштирилади.
Манба: Qalampir.uz “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организм ўзини токсинлардан қандай тозалайди?
Энди операциядан сўнг кесмалар ўрни икки баробар тезроқ битиши мумкин
Глобал очлик ва қашшоқликка қарши кураш алянсига 82 мамлакат аъзо бўлди
Омега-3 қандай қилиб озишга ёрдам беради?
Тюмен областига Ўзбекистондан меҳнат мигрантлари ишга жалб қилинади
Хатолар ва мағлубиятлар... улар кечириладими?
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
КХДР Россияга 100 минггача ҳарбий юбориши мумкин
