Хоразм вилояти Урганч туманида фуқаро томонидан ўзбошимчалик билан қурилган бино суд қарори асосида буздирилди. Бу ҳақда Мажбурий ижро бюроси маълум қилди.
Маълумотларга кўра, жавобгар М. Атажанова Урганч тумани “Чўлобод” маҳалласи ҳудудида 640 квадрат метр ер майдонини ноқонуний эгаллаб, унда қурилиш ишларини амалга оширган.
Фуқаролик ишлари бўйича Урганч туманлараро суди ерни ўз ҳолатига келтириш ва қурилмани бартараф этиш ҳақида қарор чиқарган. Аммо бир неча бор огоҳлантирилганига қарамасдан, жавобгар суд қарори талабларини ихтиёрий равишда бажармаган.
Шундан сўнг, Мажбурий ижро бюроси давлат ижрочилари иштирокида қурилмани мажбурий равишда бузишга киришган.
Ижро жараёнида ноқонуний қурилган иншоот тўлиқ йиқитилиб, ер майдони аввалги ҳолатига келтирилган.
Идора маълумотича, бундай ҳолатлар қонунга зид ҳисобланади ва фуқароларга ер майдонидан фойдаланишда амалдаги қонун-қоидаларга қатъий риоя қилиш тавсия этилмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
