08:58 / 17.03.2021
562

Гиёҳвандлик воситаларининг ноқонуний айланмасига чек қўйилди

Гиёҳвандлик воситаларининг ноқонуний айланмасига чек қўйилди
Гиёҳвандлик воситаларининг ноқонуний айланмасига қарши божхона органлари томонидан тизимли равишда кураш олиб борилмоқда. Хусусан, Хоразм вилояти божхона бошқармаси Контрабандага қарши курашиш ва божхона аудити бўлими ходимлари Давлат хавфсизлик хизмати ходимлари билан ҳамкорликда Урганч шаҳрида тезкор тадбир ўтказишди.

Тезкор тадбир давомида фуқаро О.А. бошқарувидаги “Кобальт” русумли транспорт воситаси ва ушбу автомашинада йўловчи сифатида ўтирган фуқаро Ф.А.лар холислар иштирокида кўздан кечирилди.

Натижада, ушбу автотранспорт воситасининг ўнг тараф олд ўриндиғининг орқа томонида фуқаро О.А тегишли бўлган ўрами билан оғирлиги 30,15 грамм “Опий” гиёхвандлик воситаси борлиги аниқланди.

Ҳозирда, мазкур ҳолат юзасидан божхона органлари томонидан фуқаро О.А.га нисбатан Ўзбекистон Республикаси ЖКнинг 273-моддаси 5-қисми билан ҳамда фуқаро Ф.Ага нисбатан Ўзбекистон Республикаси ЖКнинг 276-моддаси 2-қисми “а” банди билан жиноят иши қўзғатилди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Гиёҳвандлик воситаларининг ноқонуний айланмасига чек қўйилди