Xiaomi 17 флагманлар серияси сотувлари 5 миллионлик маррага яқинлашмоқда. 2026-йилнинг 18-ҳафтаси ҳолатига кўра, мазкур туркумдаги қурилмалар сотуви 4,73 миллион донани ташкил этди. Шу билан бирга, Xiaomi 17 Ultra модели 207 минг дона сотилишига эришди. Бу ҳақда Ixbt.com хабар беради.
Аввалроқ Xiaomi 17 серияси сотувга чиққанидан кейин атиги 5 кун ичида 1 миллиондан ортиқ нусхада сотилгани хабар қилинганди. Компания раҳбари Лей Сзун ушбу кўрсаткични тасдиқлаб, мазкур туркум 2025-йилдаги энг муваффақиятли хитойлик флагманлардан бири бўлганини таъкидлаган эди.
Xiaomi компанияси ўзининг янги флагманларини Хитой бозорида iPhone 17 сериясининг асосий рақобатчиси сифатида тақдим этган бўлса-да, ҳақиқий вазият бошқача. Apple маҳсулотлари сотув ҳажми бўйича рақобатчисидан сезиларли даражада олдинда.
Март ойи бошига келиб, Хитойда iPhone 17 сериясидаги смартфонлар 24 миллион донадан ортиқ сотилган. Энг оммабоп модел эса iPhone 17 Pro Max бўлиб, у сотувга чиққанидан кейин 150 кун ичида 10 миллион фаоллаштирилган қурилма кўрсаткичини ортда қолдирди.
“Zamin”ни Telegram'да ўқинг!
