BMW компанияси Г29 авлоди ҳисобланган З4 родстерини ишлаб чиқаришни расман якунлади. Сўнгги автомобил Австриянинг Гратс шаҳридаги Магна Стейр заводи конвееридан чиқди. 2018-йилдан буён ишлаб чиқарилган ушбу модел учун тўғридан-тўғри ворис режалаштирилмаган. Бу ҳақда Ixbt.com хабар беради.
BMW З4 техник жиҳатдан Toyota Супра А90 модели билан яқин алоқадор бўлиб, ҳар икки автомобил ҳам бир заводда йиғилган. Ҳозирча япон спорткарининг келажаги қандай бўлиши номаълум, гарчи Toyota Супра номини сақлаб қолиш ниятида эканлигини билдирган бўлса-да.
Моделнинг сотув кўрсаткичлари йиллар давомида пасайиб борди. Масалан, 2019-йилда 15,8 минг дона автомобил сотилган бўлса, 2025-йилга келиб бу кўрсаткич 9,7 минг донага тушди. Шунга қарамай, ишлаб чиқариш якунланиши арафасида, 2026-йилнинг биринчи чорагида сотувлар қарийб 5 фоизга ўсган.
З4 ишлаб чиқаришдан олингач, BMW модел қаторида фақат 4-серия кабриолети (Г23) очиқ кузовли автомобил сифатида қолди. Компания аввалроқ 8-сериянинг очиқ версиясидан ҳам воз кечган эди. Келажакда BMW i4 базасида электр кабриолет пайдо бўлиши эҳтимоли истисно этилмайди.
“Zamin”ни Telegram'да ўқинг!
