Лионел Месси MLS тарихида янги рекорд ўрнатди

Лионел Месси Шимолий Америкада рекордлар китобини янгилашда давом этмоқда. У Интер Миами жамоасининг Торонто ФК устидан қозонган 4:2 ҳисобидаги ғалабасида асосий рол ўйнаб, яна бир тарихий натижани қайд этди. Аргентиналик афсона ушбу учрашувда битта гол ва иккита голли узатма муаллифига айланди. Бу ҳақда Goal.com хабар беради.

Ушбу самарали ҳаракатлар эвазига Месси MLS тарихида 100 та голли вазиятда (гол+пас) иштирок этган энг тезкор футболчига айланди. У бу маррага атиги 64 та ўйинда эришди. Аввалги рекорд Себастиан Гиовинкога тегишли бўлиб, у 100 та натижага эришиш учун 95 та ўйин ўтказган эди.

Месси 2023-йил июль ойида Интер Миами сафида дебют қилганидан бери 59 та гол урди ва 41 та голли узатмани амалга оширди. Унинг бу кўрсаткичлари Шимолий Америка футболидаги мутлақ устунлигини яққол намоён этмоқда.

Аргентиналик юлдуз нафақат индивидуал совринлар, балки жамоавий ғалабалар билан ҳам мухлисларини хурсанд қилмоқда. У Интер Миами билан MLS кубоги, Леагуес Куп ва Суппортерс' Шиелд совринларини қўлга киритиб, ўзининг умумий совринлари сонини 47 тага етказди.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг