Автокөлік жүрісін бұрмалау жазаланады

Өзбекстанда автокөліктің жүріп өткен жолын (пробег) өзгертіп сату жағдайларына қатысты жауапкершілік белгіленуде. Бұл туралы заң 19 мамырда мақұлданды.

Оған сәйкес, одометр көрсеткішін өзгерткен немесе құрылғыны ауыстырған, бірақ бұл туралы сатып алушыға хабарламаған сатушылар әкімшілік жауапкершілікке тартылады.

Мұндай жағдайларды Ішкі істер министрлігі зерттеп, кейін сотта қаралады. Негізгі дәлел ретінде сарапшы қорытындысы есепке алынады.

Әкімшілік жауапкершілік туралы кодекс 178-2-баппен толықтырылуда. Ереже, негізінен, сатып алушының өтініші негізінде анықталған жағдайларға қолданылады.