Өзбекстан алтын өндіру бойынша ТОП-10 елдің қатарына кірді

Visual Capitalist деректеріне сәйкес, Өзбекстан әлемдегі ең ірі алтын өндіруші мемлекеттердің ондығына енді. Ел жылына 129,1 тонна алтын өндіріп, рейтингте 10-орынды иеленді.

Орталық Азия мемлекеттері арасында Өзбекстан көшбасшы болып табылады. Қазақстан 87 тонна көрсеткішпен аймақта екінші орында.

Әлемдік рейтингте бірінші орынды Қытай иеленіп тұр. Ел жылына 380,2 тонна алтын өндіріп, әлемдік өндірістің 10 пайыздан астамын қамтамасыз етуде.

Екінші орында Ресей 330 тоннамен тіркелсе, Австралия 284 тонна нәтижемен үшінші сатыдан көрінді. Сондай-ақ, Канада, АҚШ, Гана, Мексика, Индонезия және Перу де ірі алтын өндірушілер қатарында.