Күн бойы телефон ұстау қол мен саусақтарға қалай әсер етеді?

Бүгінгі таңда көптеген адамдар күнінің басым бөлігін телефонмен өткізеді. Мамандардың айтуынша, смартфонды ұзақ уақыт пайдалану қолға, саусақтарға және білекке кері әсерін тигізуі мүмкін.

Дәрігерлер әсіресе телефонды бір қалыпта ұзақ ұстау бұлшықеттердің тартылуына әкелетінін атап өтеді. Нәтижесінде саусақтарда ауырсыну, қолдың ұюы немесе білекте жайсыздық сезімі пайда болуы мүмкін. Кейбір жағдайларда бұл сіңір мен буынға қатысты мәселелерді де тудырады.

Сонымен қатар, телефон экранына ұзақ қарау тек қолға ғана емес, мойын мен иық бұлшықеттеріне де салмақ түсіреді. Әсіресе, дұрыс емес қалыпта отырып телефон қолдану омыртқа жотасына теріс әсер етуі мүмкін екені айтылуда.