Сәбіз көру қабілетін жақсартатыны рас па?

Сәбіз — ең пайдалы көкөністердің бірі, ол әсіресе көз денсаулығына қатысты өнім ретінде танымал. Көпшілік сәбіз көру қабілетін жақсартады деген пікірді естіген. Мамандардың айтуынша, бұл сөзде шындық бар.

Сәбіздің құрамында бета-каротин заты көп болады. Ағза бұл затты А дәруменіне айналдырады. Дәл осы А дәрумені көздің тор қабығының қызметі және қараңғыда көру қабілеті үшін маңызды болып табылады. Сол себепті ағзада бұл дәрумен жетіспесе, көру қабілетіне байланысты мәселелер туындауы мүмкін.

Алайда дәрігерлер сәбіздің ғажайып өнім емес екенін де ескертеді. Егер адамда көздің ауыр ауруы немесе генетикалық мәселе болса, тек сәбіз жеу арқылы көру қабілетін қалпына келтіру мүмкін емес. Сәбіз көбінесе көз денсаулығын қолдауға көмектеседі.