Самарқанд облыстық ІІБ Жол қозғалысы қауіпсіздігі басқармасының баспасөз қызметінің хабарлауынша, 29-қазан күні сағат 20:10 шамасында Ұрғұт ауданында жол-көлiк оқиғасы орын алды. 156-жалпы білім беретін мектептің оқушысы "Дамас" автокөлігін жүргізіп келе жатып, рөлді басқара алмай, махалла аумағында серуендеп жүрген балаларды қағып кете жаздады.
Жігіттің жолы болып, қайғылы оқиғадан аман қалды. Аталған жағдай бойынша оқушының ата-анасына Әкімшілік жауапкершілік туралы кодекстің "Балаларды тәрбиелеу және оқыту бойынша міндеттерді орындамау" бабына сәйкес әкімшілік хаттама ресімделді.
Сонымен қатар, көлік құралын иесіне қатысты "Жүргізуші куәлігі жоқ тұлғалардың көлік құралын басқаруы" туралы баптың 2-бөлігі бойынша хаттама толтырылды. Оған 5 базалық есептік көрсеткіш (2 060 000 сум) мөлшерінде айыппұл салынуы мүмкін.
Бұған қоса, мектепте мұндай жағдайлардың алдын алу мақсатында құқық бұзушылардың қатысуымен жиналыс өткізілді.
