Ташкентте Gentra жүргізушісі жол полициясы инспекторын сүйреп кетті

Ташкенттің Яшнабад ауданында Gentra жүргізушісі жол полициясы инспекторын капотында сүйреп кетті. Бұл туралы қалалық Ішкі істер басқармасы хабарлады.

Ақпаратқа қарағанда, оқиға Ферғана жолы көшесінде болған. Инспектор жүргізушіні тоқтатқан кезде ол бұйрыққа бағынбай, қозғалысты жалғастырып, қызметкерді капотта бірнеше метрге сүйреп кеткен.

Жүргізуші көп ұзамай ұсталды. Оған қатысты Қылмыстық кодекстің 219-бабы - "Билік өкіліне қарсылық көрсету" бойынша қылмыстық іс қозғалды.

Жәбірленуші инспектор дәрігерлердің бақылауында, жағдайы тұрақты. Тергеу амалдары жалғасуда.