Ташкентте кішкентай бала қатысқан қызықты, бірақ қауіпті жағдай әлеуметтік желілерде қызу талқылануда. Кәмелетке толмаған бала ойыншық көлікпен үлкен жолға шығып, нағыз автокөліктердің арасында жүрген.
Елордалық Жол қозғалысы қауіпсіздігі басқармасының мәліметінше, оқиға 8 мамыр күні сағат 12:30 шамасында Бектемір ауданындағы Олтинтопган көшесінде болған. Ата-ананың қарауынсыз қалған бала электрлі ойыншық көлігімен жолдың жүріс бөлігіне шығып кеткен.
Бұл жағдай айналадағылар мен басқа жүргізушілер үшін қауіпті сәт тудырды. ЖҚҚБ қызметкерлері баланың қауіпсіздігін қамтамасыз етіп, оның ата-анасына тиісті түсіндірме жұмыстарын жүргізді.
Сондай-ақ, баланың әкесіне қатысты Әкімшілік жауапкершілік туралы кодекстің 47-бабы — балаларды тәрбиелеу және бақылау бойынша міндеттерді орындамау фактісі бойынша әкімшілік хаттама толтырылды.
Бұл оқиға әлеуметтік желілерде түрлі пікірталастар тудырып, көптеген ата-ананы балалардың қауіпсіздігіне байыппен қарауға шақыруда.
