Қашқадарияда 49 жасар қатыгез ене келінінің өліміне себепкер болды

Сот құжаттарына сәйкес, Чиракчи ауданының тұрғыны 2022 жылдан 2025 жылдың қазан айына дейін келінін жүйелі түрде қорлап, бірнеше рет ұрып-соққаны, үйінен қуып шыққаны және психологиялық қысым көрсеткені анықталды.

Тіпті келінінің ата-анасымен кездесуіне шектеу қойып, телефон қолдануына кедергі келтірген. Кейбір жағдайларда оны шашынан сүйреп көшеге шығарғаны, беті мен денесінің әр жеріне соққы беріп, дене жарақатын салғаны белгілі болды.

Келін 2025 жылдың 2 қазанында енесі тарапынан көрсетілген ұзақ уақыттық физикалық және психологиялық қысымға шыдамай, тұрғын үйіндегі қорада өз-өзіне қол жұмсады.

Ене сотта кейбір жағдайларды ішінара мойындап, келінін тәрбиелеу мақсатында ескерту жасағанын, кейде ұрғанын айтты. Сондай-ақ, үш немересін тәрбиелеп отырғанын алға тартып, соттан жеңілдік сұрады. Алайда, қылмысқа жаза сөзсіз болғандықтан, қатыгез ене 5 жылға бас бостандығынан айырылды.