Зарафшандағы қуанышты оқиға: бір күнде 4 әйел егіз босанды

Зарафшан қалалық медициналық бірлестігінің перзентханасында сирек кездесетін қуанышты оқиға тіркелді. Дәрігерлер мен медицина қызметкерлерінің жоғары біліктілігі мен кәсіби көзқарасының арқасында бір күннің ішінде төрт ана егіз сәбиді аман-есен дүниеге әкелді.

Босану процесі тәжірибелі акушер-гинекологтар мен педиатр-неонатологтардың бақылауымен сәтті өтті. Нәтижесінде барлығы 8 сәби — ұлдар мен қыздар сау күйінде дүниеге келді.

Қазіргі уақытта барлық сәбилер мен олардың аналары дәрігерлердің бақылауында, жағдайлары қанағаттанарлық деп хабарланды.