“Барселонаның” бұрынғы футболшысы Иван Ракитич Ламин Ямалдың Мадридтің “Реал” клубы туралы пікіріне қатысты ойын білдірді. Ямал жақында өзінің стримінде мадридтіктер тек айлакерлік жасап, шағым айтуға бейім екенін айтқан еді.
Бұл мәлімдеме командалар арасындағы Ла Лиганың 10-турындағы жексенбі күнгі “Эль-Класико” алдында үлкен талқылауға себеп болды. Бұл туралы Euro-football.ru хабарлады.
Ракитич жас футболшыға өз ойын еркін жеткізу және ойынды тамашалау маңызды екенін атап өтті. Ол Ямалдың ойынын жоғары бағалап, оны қорғау қажет екенін айтты.
Ракитичтің айтуынша, футболшы өзінің ең жақсы қасиеттерін көрсетуге еркін болуы тиіс. Иван Ракитич, сондай-ақ, Ямалдың небәрі 18 жаста екенін еске салды.
Оның пікірінше, футболшы әлі де көптеген қиындықтар мен жарақаттардан өтіп, спортшы әрі тұлға ретінде өседі. “Реал” мен “Барселона” арасындағы кездесу 26 қазан күні сағат 18:15-те басталады.
