Киммих: Бұл рекорд кездейсоқ емес

Баварияның жартылай қорғаушысы Йозуа Киммих командасының маусым басында қатарынан 13 ойында жеңіске жеткен рекордын түсіндірді. "Бұл рекорд кездейсоқ емес.

Бұл – біздің қажырлы еңбегіміздің сыйы. Біздің командамыз өте мықты, тіпті қосалқы құрамнан шыққан ойыншылар да кездесудің тағдырын өзгерте алады.

Біз біргеміз және әрдайым бір-бірімізге қуаныш сыйлаймыз. Әрине, құрам үшін бәсеке бар, бірақ әрқайсымыз ортақ мақсат жолында бар күшімізді саламыз", – деді Киммих Bayern & Germany басылымына.

Еске сала кетейік, Бавария Еуропаның ірі чемпионаттары тарихында маусым басында қатарынан 13 кездесуде жеңіске жеткен екінші команда атанды. Бұған дейін бұл нәтижеге 1992/93 жылғы маусымда Милан қол жеткізген еді.