Месси, Ямал және Роналду үздік 11 құрамында

FIFPRO, Халықаралық кәсіпқой футболшылар қауымдастығы, 2024/2025 маусымының қорытындысы бойынша үздік 11 футболшының тізіміне үміткерлерді жариялады. Бұл бастапқы тізімде Криштиану Роналду, Лионель Месси, Усман Дембеле, Мұхаммед Салах, Ламин Ямал, Эрлинг Холанд және өзге де жұлдыз футболшылардың есімі аталған.

Еске сала кетейік, 2025 жылы "Алтын доп" иегері "Пари Сен-Жермен" футболшысы Усман Дембеле болған еді. France Football дауыс беру нәтижесіне сәйкес, екінші орынды испаниялық Ламин Ямал иеленген, үшінші орында болса португалиялық Витинья аталған.