Вулверхэмптон бапкері қызметінен босатылуы мүмкін

Англияның "Вулверхэмптон" клубының бас бапкері Витор Перейра жақын күндері жұмыстан босатылуы мүмкін. Бұл туралы Molineux News хабарлады.

"Бёрнли" клубына қарсы ойында 2:3 есебімен жеңілген команда АПЛ турнир кестесінде соңғы орында қалып отыр. Сонымен қатар, бапкер жанкүйерлермен дауласқан.

Соңғы мәліметтерге сәйкес, алдағы ойындар оның тағдыры үшін шешуші болады. 29-қазан күні команда Англия Лигасы Кубогында Лондонның "Челси" клубын қабылдайды.

1-қарашада "Фулхэмге" қарсы сырт алаңдағы матч өтеді. "Челси" құрамының оңтайлы жағдайда еместігі Перейраға нәтиже көрсетуге және басшылықтың сенімін қайтаруға мүмкіндік береді.

Португалиялық маман 2024 жылдан бері команданы басқарып келеді. Ол биылғы жылдың қыркүйек айында үш жылдық жаңа келісімшартқа қол қойған еді.