«Барселона» жартылай қорғаушысы Педри жарақат алып, саптан шыққаны расталды. «Көк – анар түстілердің» баспасөз қызметінің хабарлауынша, 22 жастағы футболшының сол жақ санының екі басты бұлшықетінің дисталь бөлігінде жыртылу анықталған.
Әзірге Педридің қалпына келу мерзімі туралы ресми ақпарат берілген жоқ. Бұған дейін футболшы ұлттық құрама ойындары үшін қараша айында берілетін үзіліске дейін «Барселона» ойындарына қатыса алмайтыны туралы хабарлар тараған еді.
Қазіргі уақытта «Барселона» Ла Лига аясында «Эльче» қарсы өз алаңындағы кездесуге дайындалып жатыр. Бұл ойын жексенбі, 2 қараша күні өтеді.
«Барселона» Испания чемпионаты турнир кестесінде екінші орында тұр және «Реалдан» бес ұпайға артта қалып келеді.
Ctrl
Enter
Қате таптыңыз ба?
Сөйлемді бөліп, Ctrl+Enter басыңыз 
