Поконёли: "Монако"ның жеңісі әділ болды

«Монако» Франция чемпионатының 10-турында қонақта «Нантты» 5:3 есебімен жеңді. Ойыннан кейін клубтың бас бапкері Себастьен Поконьоли өз пікірін білдірді.

«Бұл жеңіске біз әділетті түрде қол жеткіздік. Бірақ ойын барысында өзімізге қиындықтар туғыздық.

Иә, біз үш гол жіберіп алдық, бірақ өз футболымызды көрсетуді жалғастырдық. Біздің командада жас ойыншылар жиналған, олар әлі де ойынның түрлі нәзік тұстарын үйренуі қажет.

Бұл процестің маңызды бір бөлігі», - деді Поконьоли. Франция чемпионатының 10-турынан кейін «Монако» 20 ұпай жинап, турнирлік кестеде екінші орында тұр.

Олар көшбасшы «ПСЖ»-дан небәрі бір ұпайға артта келеді.