Ливерпуль Слотқа сенімін сақтап қалуда

Ливерпуль командасы сәрсенбі күні тағы да өз жанкүйерлерін ренжітті. Арне Слот басшылығындағы команда Лига Кубогының 1/8 финал кезеңінде өз алаңында Кристал Пэласқа 0:3 есебімен жеңіліп, жарыстан шығып қалды.

Осылайша, Ливерпуль соңғы жеті ойында барлық жарыстарда алты рет жеңіліске ұшырады. Бірақ Goal порталы ВВС мен бірнеше журналистерге сілтеме жасап хабарлауынша, Ливерпуль басшылығы Слотпен қоштасуды жоспарлап отырған жоқ.

Жақын арада нидерландиялық бапкердің қызметінен босатылу ықтималдығы жоқ. Клуб басшылығы Слотқа толық сенім білдіруде және оның команданың жағдайын жақсартуға қабілетті екеніне сенеді.

Ливерпульдің келесі кездесуі 1 қараша күні өз алаңында Астон Вилла командасына қарсы өтеді.