«Барселона» қақпашысы Войцех Шесни командаласы Маркус Рашфорд туралы пікірін бөлісті. Ағылшын қанат шабуылшысы өткен жазда «Манчестер Юнайтедтен» жалдау негізінде «күлгін-қызғылт сары» команда сапына қосылған еді.
«Рашфорд – керемет футболшы, ол маған өте ұнайды. Ол тік футбол ойнайды, жылдам әрі қазірдің өзінде командаға көп гол салуға көмектесті.
Мен оны Англия Премьер-лигасында небәрі 18-19 жасында ойнаған кезінен білемін. Сол уақытта-ақ оның ерекше талантқа ие екенін байқағанмын.
Маркус өзінің шынайы мүмкіндіктеріне қарағанда аз гол соқты. Жаттығуларда оның ойыны бірқалыпты болса, оны тоқтату мүмкін емес.
Егер ол ойындарда өзінің шебер оң аяғын көбірек пайдаланса, қарсыластар үшін өте қиын болады», – деді Шесни «Barca Universal» басылымына. Айта кетейік, Маркус Рашфорд «Барселона» сапында 13 ойында алаңға шығып, 5 гол және 7 нәтижелі пас берген.
