Ла Лиганың 11-турында «Хетафе» өз алаңында «Жиронаны» қабылдады. Ойынның 73-минутына дейін командалар арасында маңызды сәттер болмады.
Алайда Луис Мильяның айып алаңына берген пасын Марио Мартин баспен қақпаға бағыттап, есеп ашты (1:0). Осыдан кейін ойын ашық сипат алды.
Қарсы шабуыл кезінде Владислав Ванаттың соққысын «Хетафе» қақпашысы керемет қайтаруға үлгерді. Ойын аяқталар тұста, Алекс Санкрис берген пастан кейін Борха Майорал дәл соққы жасап, есеп 2:0 болды.
«Жирона» өздерінің абырой голымен шектелді: Ванат айып алаңында дөрекі тоқтатылды және Кристиан Стуани пенальтиді дәл орындады (2:1). Бұл жеңіс «Хетафені» турнир кестесінде алтыншы орынға шығарды, ал «Жирона» соңғы орынды бөлісуді жалғастыруда.
Ctrl
Enter
Қате таптыңыз ба?
Сөйлемді бөліп, Ctrl+Enter басыңыз Тақырыпқа қатысты жаңалықтар
