“Реал” бас бапкері Хаби Алонсо Испания Ла Лигасының келесі туры аясында “Валенсияға” қарсы ойын алдындағы өз ойларымен бөлісті. “Мүмкін, құрамда ротация болады, бірақ бұл Чемпиондар Лигасына байланысты емес, “Валенсияға” қарсы ойынға дайындыққа байланысты жүзеге асады.
Чемпиондар Лигасында ұпай жоғалтып, оларды қайтадан жинауға болады, бірақ Ла Лигасында ондай мүмкіндік жоқ – бұл нағыз марафон. Қазір жақсы қарқындамыз және оны төмендеткіміз келмейді.
Мен “Валенсия” және “Райо Вальеканоға” қарсы ойындарды ойлап жүрмін. Осы кезеңді сәтті аяқтауды қалаймыз.
Өткен маусымда “Валенсия” “Сантьяго Бернабеуда” жеңіске жеткен болатын. Біз босаңсымауымыз және қарсыласқа құрметпен қарауымыз керек.
Корберан өз командаларын өте жақсы дайындайтын бапкер. “Валенсияның” сапалы футболшылары бар және бұл ойын бізден ең жоғары назар талап етеді.
Үлкен жеңістен кейін қарқынды жоғалту өте оңай. Мұндай жағдай болмайды деп үміттенеміз”, – деді Алонсо баспасөз мәслихатында.
“Реал” – “Валенсия” ойыны Мәскеу уақыты бойынша 1-қараша күні 23:00-де басталады.
