Аморим: Шоу Англия құрамасына лайық па?

«Манчестер Юнайтедтің» бас бапкері Рубен Аморим қорғаушы Люк Шоудың Англия құрамасына қайта оралу ықтималдығы жайлы пікір білдірді. 30 жастағы футболшы биылғы маусымда жарақаттардан аман болып, Премьер-лигада «қызыл шайтандардың» барлық тоғыз ойынына негізгі құрамда қатысты.

«Менің ойымша, Шоу Англия құрамасына шақырылуға лайық, бірақ басқа ойыншылар туралы да осылай деуге болады. Мен Люктің ұлттық құрамада ойнағанын қалаймын, сонымен қатар оның клубта қалып, сауыққаны және алдағы ойындарға дайындалғаны да маған ұнайды», – деді Аморим UtdDistrict басылымына берген сұқбатында.

Англия құрамасы 2026 жылғы Әлем чемпионаты іріктеуі аясында 13 қараша күні Сербиямен, 16 қараша күні Албаниямен ойын өткізеді.