Реал Гүлердің 75-ші ойын бонусы үшін 2 млн төлейді

Испания чемпионатының 11-турында Мадридтің "Реал" клубы "Валенсияны" 4:0 есебімен ірі жеңіске жетті. Осы ойында "Реалдың" түрік жартылай қорғаушысы Арда Гүлер де алаңға шықты.

Бұл кездесу Гүлер үшін "Патшалық клуб" сапындағы 75-ойыны болды. Diario AS мәліметінше, осы матчтан кейін "Реал" басшылығы "Фенербахче" клубына 2 миллион еуро бонус төлеуі керек.

Еске сала кетсек, Гүлер 2023 жылдың жазында Мадрид клубына ауысып келген болатын. Ол "Реалда" өткізген 75 ойында 15 гол соғып, 17 нәтижелі пас берген.

Футболшының келісімшарты 2029 жылдың ортасына дейін есептелген және қазіргі уақытта оның трансферлік құны 60 миллион еуроға бағалануда.