Испанияның "Атлетик" (Бильбао) клубы бас бапкер Эрнесто Вальверденің орнына үміткер іздеуде. Оның қазіргі келісімшарты алдағы жазда аяқталады.
Бұл туралы larazon.es порталы хабарлайды. Әзірге Вальверде клубпен келісімшартты ұзарта ма, әлде ұзартпай ма, белгісіз, сондықтан клуб басқа мамандарға да қызығушылық танытып отыр.
"Атлетик" басшылығы бас бапкерлікке бірінші кезекте Андони Ираоланы үміткер ретінде қарастыруда. Қазіргі уақытта Ираола баптайтын "Борнмут" командасы Англия чемпионатының үздіктері қатарында.
Сондай-ақ, клуб "Райо Вальекано" тізгінін ұстаған Иниго Пересті немесе дәл қазір "Эльче" командасын жаттықтырып жатқан Эдер Сарабияны да шақыруы мүмкін. Сарабиямен келісімшарт 2027 жылға дейін жарамды, ал Ираола мен Перес маусым соңында еркін бапкерге айнала алады.
Ал Перес болса өзінің қазіргі жұмыс орнынан риза екенін білдірген.
«Меҳмон» тобындағы келушілер бұл жарияланымға пікір қалдыра алмайды.
