Окслейд-Чемберлен "Арсеналда" жаттығу жасап жүр

32 жастағы жартылай қорғаушы Алекс Окслеид-Чемберлен қазір өзінің бұрынғы клубы, Лондонның "Арсенал" командасының құрылымында жаттығу өткізуде. Бұл туралы Sky Sports хабарлады.

Футболшы негізінен клубтың 21 жасқа дейінгі командасымен бірге жаттығуда. Еске сала кетейік, Окслеид-Чемберлен өткен жазда Ыстамбұлдың "Бешикташ" командасынан кеткен және қазіргі уақытта еркін агент болып табылады.

Ол футболшы ретіндегі мансабын аяқтағаны туралы жарияламаған. Окслеид-Чемберлен – "Саутгемптон" академиясының тәрбиеленушісі, 2011 жылдан 2017 жылға дейін "Арсенал" сапында ойнаған.

"Канонирлар" сапында ол барлық жарыстарда 130-дан астам ойын өткізген. 2017 жылдан 2023 жылға дейін "Ливерпульде", 2023 жылдан 2025 жылға дейін "Бешикташта" өнер көрсеткен.