Лацио Кальярини артта қалдырды

А Сериясының 10-турында ұзақ уақыттан бері жеңіліс көрмей келген "Лацио" мен көп ойындарда ұпай жоғалтып жүрген "Кальяри" өзара кездесті. Ойын барысында алаңда ешқайсысы айтарлықтай басымдық көрсетті деу қиын.

65-минутта "бүркіттер" жылдам қарсы шабуыл жасап, онда Маттео Гендузи әріптесіне доп асырды, ал Густав Исаксен сол аяғымен қақпаны дәл көздеді – 1:0. Қосымша уақытта Маттео Пратидің қатесінен кейін Маттиа Дзакканьи екінші голды соғып, ойынға нүкте қойды – 2:0.

Бұл жеңістен кейін Рим клубы 15 ұпаймен 8-орынға көтерілсе, "Кальяри" 9 ұпаймен 14-орында тұр.