Эрлинг Холанн: Норвегияны Әлем және Еуропа чемпионатына шығару мақсатым

«Манчестер Сити» және Норвегия құрамасы шабуылшысы Эрлинг Холан өзінің басты мақсаты туралы айтты. Холан тек клуб деңгейінде жетістікке жетуді ғана емес, сонымен қатар ұлттық құрамасымен де тарихи нәтижеге қол жеткізуді армандайтынын атап өтті.

«Мен бұны көптен бері айтып келемін — менің басты мақсатым Норвегияны Әлем чемпионатына және Еуропа чемпионатына шығару. Бұл менің мансабымдағы ең маңызды міндет.

Қазіргі таңда бұны іске асыру үшін жақсы мүмкіндіктер бар және бұл мүмкіндіктерді қалай пайдаланатынымызға байланысты», — деді футболшы BBC басылымына берген сұхбатында. Қазіргі уақытта Норвегия құрамасы Әлем чемпионаты-2026 іріктеу кезеңінде өз тобында 18 ұпай жинап, көш бастап тұр.