Мусияланың қайтуы қаңтар айына шегерiлуi мүмкiн

«Бавария» клубының жартылай қорғаушысы Джамал Мусиала жазғы маусымда алған ауыр жарақатынан кейін қалпына келу үдерісін жалғастыруда. Бастапқыда 22 жастағы футболшы жылдың соңында алаңға оралады деп күтілген еді, бірақ Мюнхен клубының басшылығы жас жұлдызды асықтырмауға шешім қабылдады.

Журналистер Тоби Альтшёффль мен Кристиан Фалктың хабарлауынша, «Бавария» Мусиаланың нақты оралатын күнін белгілеген жоқ. Оның қалпына келуі қаңтар айына дейін созылуы әбден мүмкін.

Клубтың медициналық және бапкерлер штабы үшін басты мақсат — футболшыны маусымның шешуші кезеңдеріне және кейін Әлем чемпионатына дайын күйге келтіру. Еске сала кетейік, Джамал Мусиала қақпашы Джанлуиджи Доннаруммамен қақтығыстан кейін жіліншік сүйегі сынып қалған еді.