Бұрынғы футболшы Диуф алимент төлемегені үшін қамалуы мүмкін

«Ливерпуль» клубының бұрынғы футболшысы, сенегалдық Эль-Хаджи Диуф өзінің бұрынғы жұбайына алимент төлемегені үшін түрмеге түсуі мүмкін. 44 жастағы футболшы екі жыл бұрын ажырасқан бұрынғы әйелі Валерия Бишопқа 17 жастағы қыздары Кейла үшін ай сайын 670 фунт стерлинг көлемінде алимент төлеуге міндетті еді.

Британиялық «The Sun» басылымының хабарлауынша, қазіргі уақытта футболшының жалпы қарызы 14 мың фунт стерлингті құрап отыр. Валерияның айтуынша, Диуф бұл қарызды төлемей отырғандықтан, түрмеге түсу қаупі бар.

Бұрынғы футболшы сот отырыстарына қатысудан бас тартып отыр, келесі сот процесі биылғы жылдың 5 желтоқсанына белгіленген.