"Манчестер Юнайтед" Штиллермен келісімшарт жасауы мүмкін

Штутгарт командасының тірек жартылай қорғаушысы Анжело Штиллер "Манчестер Юнайтед" клубына ауысуы мүмкін. Бұл туралы танымал журналист Экрем Конур хабарлады.

Дереккөз мәліметіне сәйкес, 24 жастағы неміс футболшысы Рубен Аморимнің қысқа тізіміндегі негізгі үміткерлердің бірі болып табылады. Дегенмен, португалиялық маман "Брайтоннан" Карлос Балеба мен "Кристал Пэластан" Адам Уортон секілді футболшыларға да қызығушылық танытып отыр.

Сонымен қатар, Штиллерге Англия Премьер-Лигасы мен Ла Лигадағы басқа клубтар да қызығушылық білдіруде. Ағымдағы маусымда Штиллер барлық турнирлерде 17 матчқа қатысып, 1 гол соғып, 5 нәтижелі пас берген.

Transfermarkt порталы мамандарының бағалауы бойынша, футболшының трансфер құны 45 миллион еуроға тең.