Жұлдызды шабуылшы Лионель Месси «ПСЖ»-дағы қызметі туралы айтты. Аргентиналық футболшы Париж клубында 2021–2023 жылдары өнер көрсеткен.
«Сіз Барселонада бақытты болғаныңызды жиі айтасыз, бірақ Парижде олай болмады..." «Иә, Парижде бәрі жаман болған секілді көрінуі мүмкін, бірақ бұл онша дұрыс емес. Мен қиын болды дегенде, футбол ойнау, жаттығу немесе ойындар кезінде өзімді жайлы сезінбегенімді айтқым келеді.
Жай ғана, өз жұмысымнан ләззат алмадым. Бірақ отбасылық жағынан таңғажайып уақыт өткіздік – қала өте әдемі, ләззат алдық.
Барселонадан бірінші рет кеткендігіміз үшін бәрі жаңашыл болды, сондықтан қиынға соқты. Бұл жарақаттармен емес, ішкі сезімдермен байланысты болды.
Мұнда, Майамиде, бәрі басқаша. Өміріміз тыныш: клуб жақын, балалардың мектебі жақын, бәрі қолайлы.
Қала керемет, алайда, иә, жол қозғалысы тым нашар (күлді)», – деді Месси Sport.es басылымына. Месси «ПСЖ» құрамында барлығы 75 ойын өткізіп, 32 гол және 35 нәтижелі пас берген.
