"Интер" мен "Милан" қақпашы үшін таласуда

Парманың қақпашысы Дзён Сузукиге Италия А Сериясының ірі клубтары қызығушылық танытуда. La Gazzetta dello Sport мәліметінше, 23 жастағы футболшыны өз құрамына қосу мүмкіндігін «Интер» мен «Милан» клубтары қарастырып жатыр.

Болжамдарға сәйкес, Парма жапон қақпашысын келесі жазда 20 миллион еуроға сатуға дайын. Дзён Сузуки биылғы маусымда Италия чемпионатында 11 ойын өткізіп, 14 гол жіберіп алды және үш ойында қақпасын «құрғақ» сақтады.

Дегенмен, жақында қақпашы қолын сындырып, саптан шықты. Қазіргі уақытта «Интер» 24 ұпаймен А Сериясының турнир кестесінде көш бастап тұр.

«Милан» болса, 22 ұпаймен үшінші орында. Ал Парма 8 ұпаймен 17-орында орын тепкен.