Челси Хулиан Альварес үшін 150 млн еуро ұсынуда

Соңғы жылдары "Челси" трансферлерге қомақты қаражат жұмсады және бұл үрдіс әлі де жалғасуда. Fichajes порталының хабарлауынша, Лондон клубы "Атлетико" жұлдызды шабуылшысы Хулиан Альваресті сатып алу үшін 150 миллион еуро бөлмек.

Хулиан Альварестің "Челси" құрамына өтуіне оның Аргентина құрамасындағы әріптесі, жартылай қорғаушы Энсо Фернандес көмек көрсетуі мүмкін екендігі атап өтілуде. Егер "Челси" Альваресті 150 миллион еуроға сатып алса, бұл клуб тарихындағы ең қымбат трансфер болмақ.

Қазіргі уақытта "Челси" тарихындағы рекордтық трансфер Энсо Фернандеске тиесілі, ол үшін клуб 121 миллион еуро төлеген. 25 жастағы Хулиан Альварес осы маусымда 15 ойында 9 гол соғып, 4 нәтижелі пас берді.