Кантона: Шағын командалар нағыз футбол көрсетеді

«Манчестер Юнайтед» және Франция құрамасының бұрынғы жұлдызы Эрик Кантона қазіргі футболды шамадан тыс корпоративтендірілген деп санайды. Оның пікірінше, ірі клубтарға корпоративтік этика үстемдік етуде, және бұл жағдай спорт саласына айналатын үлкен қаражаттарға байланысты болып отыр.

«Бұл клубтардың басшылығы мен экономикалық жүйенің кінәсі. Футболдың қазіргі жағдайы мәселелер туғызуда.

Мен енді ірі клубтарды тамашалауға немесе оларға қызығушылық танытуға ынталанбаймын. Төртінші немесе бесінші лига деңгейіндегі футбол мені көбірек тартады.

Себебі ол жақта бәрі шынайы», – деді Кантона derbyderbyderby.it басылымына берген сұхбатында. Еске салайық, Эрик Кантона футболшылық мансабын 1997 жылы аяқтаған.