Доминик Соланке жарақаттан кейінгі қиындықтары туралы айтты

«Тоттенхэм» командасының орталық шабуылшысы Доминик Соланке жарақаттан қалпына келу процесі туралы пікір білдірді. Ағылшын футболшысы маусым басында тобығын жарақаттап алған еді.

Сол себепті ол тамыз айынан бері алаңға шыға алмай келеді. "Бұл өте ауыр болды.

Біз жарақаттың қаншалықты күрделі екенін түсінбедік. Мен мүмкіндігінше тезірек алаңға оралуға тырыстым, бірақ бұл мүмкін болмады.

Сондықтан операция жасатуға тура келді. Сол уақыттан бері алаңға қайта оралу үшін жұмыс істеп келемін", - деді Соланке The Athletic басылымына берген сұхбатында.

Ағымдағы маусымда Соланке "шпорлар" құрамында бар-жоғы үш ойында өнер көрсеткен, бірақ нәтижелілік көрсетпеген. Футболшының "Тоттенхэммен" келісімшарты 2030 жылдың жазына дейін жасалған.