"Барселонаның" Ламин Ямалға қатысты жоспары белгілі болды

Барселона Ламин Ямалды сапқа қайтару жоспарын дайындады. Шап аймағындағы мәселелер салдарынан вингер Испания ұлттық құрамасының соңғы жиынына қатыса алмаған еді.

Сәрсенбі күні Ламин Барселонаның жалпы топтық жаттығуларының бір бөлігіне қатысты, бұл оның жақын арада алаңға оралу мүмкіндігін көрсетеді. Барселона басшылығы Ямалға Ла Лига аясындағы келесі ойында, яғни Атлетикаға қарсы кездесуде ойын уақыты берілуі мүмкіндігін жоққа шығармауда.

Алайда, негізгі мақсат – Ламиннің оңтайлы формада болуы және Челсиге қарсы Чемпиондар Лигасы кездесуіне дайындалуы. Бұл туралы Mundo Deportivo басылымы хабарлайды.

Барселона 22 қараша, сенбі күні Атлетиканы қабылдайды. Челсиге қарсы сырттағы кездесу 25 қараша, сейсенбі күні өтеді.