Арсенал 2018 жылдан бері алғаш рет Тоттенхэмге 4 гол соқты

Жексенбі кешінде "Арсенал" "Тоттенхэмді" 4:1 есебімен жеңіп, АПЛ-дегі екінші орындағы "Челсиден" алты ұпайға алға шықты. Дерби ойынында Эбереки Эзе хет-трик жасап, тағы бір голды Леандро Троссар салды.

"Шпорлар" жағынан Ришарлисон гол соғуға қол жеткізді. Белгілі болғандай, "Арсенал" ұзақ уақыт бойы, дәлірек айтқанда, жеті жыл бойы "Тоттенхэм" қақпасына төрт гол соға алмаған.

Бұған дейін мұндай нәтиже 2018 жылғы 2 желтоқсанда тіркелген еді. Сол кезде "Арсенал" өз алаңында "шпорларды" 4:2 есебімен жеңген болатын.

"Канонирлер" сапында Пьер-Эмерик Обамеянг, Александр Ляказетт және Лукас Торрейра гол соқса, "Тоттенхэмнің" жағында Эрик Дайер мен Гарри Кейн нәтижеге қол жеткізген.