Реал Чемпиондар Лигасы ойыны алдында маңызды ойыншысын жоғалтты

Мадридтік "Реал" клубының орталық қорғаушысы Дин Хойсен жарақатына байланысты ойынан тыс қалды. 20 жастағы футболшы төрт басты бұлшық етінен жарақат алғандықтан, ертең өтетін Чемпиондар Лигасының аясындағы Грекияның "Олимпиакос" командасына қарсы ойынды өткізіп жібереді.

Бұл туралы Marca басылымы хабарлады. Дереккөздің мәліметінше, испаниялық футболшы Ла Лига аясында "Жиронаға" қарсы ойынға (30 қараша) шығуы да екіталай.

Сонымен қатар, 3 желтоқсанда өтетін "Атлетик" Бильбаоға қарсы матчқа қатысуы да күмәнді. Жексенбі күні Дин Хойсен "Эльче" командасына қарсы ойында гол соғып, "Реалды" жеңілістен құтқаруға көмектесті (2:2).

Жас футболшы осы маусымның басынан бері "патшалық клубтың" намысын қорғап келеді.