Ширер "Барселона" қорғаушыларын сынға алды

Англияның танымал бұрынғы футболшысы Алан Ширер жақында "Челси"-ге қарсы матчтағы "Барселона" қорғаушыларының ойындарын қатты сынға алды. Чемпиондар лигасының 5-тур аясында өткен кездесуде "қызыл-көк түстілер" Лондонда ірі жеңіліске ұшырады (0:3).

"Мен талай мәрте офсайд тұзақтарын бақыладым, бірақ бұл шын мәнінде ақылға сыймайтын жағдай болды. Алаңда төрт манекен тұрғандай көрінді және олар: "Жігіттер, голды қандай әдіспен соғуды қалайсыздар?" деп сұрағандай болды", – деді Ширер Amazon Prime эфирінде.

Ханс-Дитер Фликтің командасы Чемпиондар лигасы турнир кестесінде 15-орында тұр және есебінде жеті ұпай бар. Келесі турда "Барселона" "Айнтрахтқа" қарсы алаңға шығады.