Мбаппе 7 минутта хет-трик жасады

Мадридтiң "Реал" клубы шабуылшысы Килиан Мбаппе "Олимпиакосқа" қарсы ойында 7 минут ішінде хет-трик жасап, матчтың барысын толықтай өзгертті. Грек командасы 8-минутта есеп ашты, алайда "Реал" 22-минутта есепті теңестірді, ал 24-минутта Мбаппе "корольдік клубты" алға шығарды.

Бес минут өткен соң, француз шабуылшысы тағы да гол соғып, хет-трикін рәсімдеді. Осылайша, Мбаппе Чемпиондар Лигасының қазіргі маусымында ең көп гол соққан ойыншылар жарысында көш бастап кетті.

Оның еншісінде 8 гол бар, ал "Галатасарай" шабуылшысы Виктор Осимхеннің 6 голы бар. Еске сала кетейік, "Реал" жеңіске жетсе, 5 турдан кейін ұпай саны 12-ге жетеді.