PSV "Энфилдте" тарихи жеңіске жетті

Чемпиондар лигасы топтық кезеңінің 5 турында тағы бір күтпеген нәтиже тіркелді. «Ливерпуль» өз алаңында Нидерландының PSV командасына 1:4 есебімен жеңіліс тапты.

Бұл «Ливерпуль» тарихында Еурокубоктар аясында өз үй стадионы «Энфилдте» екінші рет төрт гол өткізуі болды. Бірінші жағдай 2023 жылдың ақпан айында мадридтік «Реал» командасына қарсы ойында орын алған еді.

Сол кезде «Ливерпуль» бастапқыда 2:0 есебімен алға шыққанымен, соңында 2:5 есебімен жеңілген болатын. Енді «Ливерпуль» Чемпиондар лигасындағы келесі ойынын қонақтағы «Интерге» қарсы өткізеді.