Pike 2026 жылғы әлем чемпионатының фавориті туралы айтты

Испания ұлттық құрамасы мен "Барселонаның" бұрынғы футболшысы Жерар Пике 2026 жылғы Әлем чемпионаты туралы пікір айтты. Бұрынғы қорғаушы Солтүстік Америкада өтетін жарыстың фаворитін атады.

"Қазіргі уақытта француздар ең талантты ұлттық құрамалардың бірі деп есептеймін. Қағаз жүзінде қарасақ, олардың сапында ең мықты футболшылар жиналған.

Дегенмен футбол тек жұлдызды ойыншылармен ғана емес, сонымен қатар командалық ойынмен де жеңіске жетеді. Ұйымшыл әрі біртұтас команда жарыстың бас фаворитін де жеңе алады", – деді испаниялық футболшы RMC Sport басылымына берген сұхбатында.

Әлем чемпионаты келесі жылы жазда өтеді. Қазіргі чемпион – Аргентина ұлттық құрамасы.