Барселона Эрик Гарсиямен келісімшартты 2031 жылға дейін ұзартты

«Барселона» қорғаушысы Эрик Гарсия каталондық клубпен ұзақ мерзімді жаңа келісімшартқа қол қойды. Бұл туралы «көк-гранаталылардың» баспасөз қызметі хабарлады.

24 жастағы футболшының қазіргі Испания Ла Лигасы чемпионымен жаңа келісімі 2031 жылдың ортасына дейін жасалған. Гарсия «Барселона» сапында 2021 жылдың шілдесінен бері өнер көрсетіп келеді.

Оның трансферлік құны 25 миллион еуроға бағаланған. Қазіргі Испания чемпионатының маусымында қорғаушы 15 матчқа қатысып, бір гол салуға қол жеткізді.

15 турдан кейін Ханс-Дитер Флик басқаратын «Барселона» 37 ұпаймен турнир кестесінің көшбасшысы болуда.